Диета за мажи

Мажите имаат побрз метаболизам од жените и помала склоност за складирање на масти, така што би требало побрзо да слабеат. Барем на прв поглед.


1. Jадете помали оброци на секои 2-3 часа, во вкупен број од пет до осум помали оброци дневно, секој ден.
2. Со секој оброк внесувајте „посни“ протеини како јунешко месо, пилешко, риба, јајца.
3. Јадете овошје или зеленчук, или и двете, со секој оброк.
4. Скоро целиот внес на јаглени хидрати треба да се заснова на овошје и зеленчук.
5. Најмалку 25 отсто од калориите што ги внесувате треба да доаѓаат од масни извори, вклучувајќи и животински масти и масла (ленено, рибино, кокосово и маслиново).
6. Пијте само пијалоци кои содржат нула калории како минерална вода, растителни чаеви, зелен чај, кафе и т.н.
7. Немојте да пиете пиво, газирани, засладени сокови и алкохолни пијалоци.

Кардио Вежби

6 секси факти за калориите

1 минута бакнување = 2 согорени калории

Љубовта и страста можат да ви помогнат да го зголемите бројот на согорени калории. Страсното бакнување освен што ќе ви ја врати насмевката на лицето и ќе ве исполни со пријатни емоции, може и да го потпомогне слабеењето.

„За време на вистински страстен бакнеж може да согорувате 2 калории во минута“ – тврди професорот Брајант Стемфорд.

Една петнаесетминутна сесија бакнување ќе ви „потроши“ 30 калории.

Подарете 30-минутна масажа и ќе согорите повеќе од 40 калории

Навистина е пријатно да се опуштите и да добиете релаксирачка масажа од вашиот партнер. Но, кога вие ја подарувате масажата, освен насмеаното лице на саканиот, нека ве стимулира и фактот што ќе согорите дел од вашиот десерт.

За половина час масажа можете да согорите повеќе од 40 калории. Наместо да седите додека ги покажувате вашите масажерски способности, стојте и ќе согорите дополнителни калории.

30 минути секс = 150 согорени калории

Го пропуштивте часот по аеробик? Надоместете со жешка игра меѓу чаршафите.

Колку пострасен секс, толку повеќе согорени калории. Проценето е дека половина час секс може да согори околу 150 калории.

Колку повеќе променети пози, толку поцелосен тренинг за телото. Изберете поза во која вие ќе бидете одгоре и се движите нагоре-надолу и ќе согорите до 200 калории за половина час, а притоа најмногу ќе ги вежбате проблематичните делови – бутовите и задникот.

Оргазмот е дополнителен „согорувач“ на калории. Експертите сметаат дека жените кои доживуваат оргазам трошат повеќе калории за време на сексуалниот однос.

Не постои храна со „негативни“ калории

„Храна со негативни калории“ е концепт кој не треба да се зема здраво за готово, а се базира на тврдењето дека постојат намирници за чие варење телото троши повеќе калории отколку што се содржат во нив. На списокот на храна со негативни калории често можете да ги најдете целерот, аспарагусот, грејпфрутот и зелката. Експертите советуваат да ја заборавиме ваквата идеја.

„Иако џвакањето целер може да изгледа како изморувачка активност, тоа согорува речиси исто толку калории колку и набљудувањето на растењето на тревата“ – тврди д-р Ненси Снајдерман.

Фитнес справите манипулираат со согорените калории

Додека вежбаат на фитнес справите, повеќето луѓе се концентрираат на цифрата на малиот екран, којашто го покажува бројот на согорени калории. Вежбате половина час и бројот на согорени калории ви изгледа премногу оптимистички за да биде реален? Тогаш најверојатно е така.

Истражувањата покажале дека фитнес справите покажуваат во просек за 20% повеќе согорени калории. Најточни се стационарните велосипеди, а најнеточни информации за бројот на согорени калории даваат елиптичните велосипеди.

Бројот на согорени калории во текот на вежбањето зависи од многу фактори, како тежината, возраста, структурата на телото, мускулатурата и сл. Па, ако сакате приближно да пресметате 

Зимата ни помага да согоруваме повеќе калории

Може веднаш да кажете: „Не е точно, во зима секогаш се здебелувам“. Вистината е дека повеќето луѓе ја покачуваат својата тежина во зима, но само затоа што стануваат понеактивни.

Во текот на студените зимски дни, метаболизмот се забрзува за да го затопли телото, а тоа во превод значи и повеќе согорени калории дневно.

Останете активни и нема да имате проблем со линијата ниту во зимскиот период. Напротив, студот ќе ви го олесни постигнувањето на привлечна фигура.

Фитнес Вежби

Најдобро време за јадење и вежбање

Сите го знаеме рецептот за здраво и долготрајно слабеење: балансирана исхрана + физичка активност. Никој не може да негира дека за да губите тежина мора да внимавате што јадете и да не го прескокнувате вежбањето, но врз крајниот резултат влијаат и многу други фактори.

За да постигнете максимален ефект, препорачливо е во вашата стратегија за слабеење и одржување на идеалната тежина да го вклучите и факторот „тајминг на оброците и вежбањето“. Во продолжение ќе најдете во кој дел од денот е најдобро да јадете и да вежбате, во кој редослед да практикувате кардио вежби и вежби со тегови и кога е препорачливо да се мерите на вага, за да слабеете максимално.

• Појадувајте во период од 1 час по будењето. Сигурно сте чуле: појадокот е најважниот оброк во денот! Тој го стимулира метаболизмот и ви ја дава неопходната енергија за да го започнете денот со полна сила. Друга придобивка е што ако појадувате, ќе внесете помалку храна во текот на остатокот од денот. Докажано е дека луѓето кои појадуваат, консумираат помалку калории подоцна во денот.

• Вежбајте наутро. Зошто се препорачува утринско вежбање? Затоа што луѓето се најсклони да се придржуваат до редовна физичка активност кога вежбаат наутро. Откако ќе започнат дневните обврски, се појавуваат повеќе изговори и оправдувања за одложување на вежбањето. Сепак, тоа е само препорака која ќе ви помогне да останете доследни. Ако вие се чувствувате подобро кога вежбате попладне, треба да го послушате вашето тело.

• Кардио вежби пред вежби со тегови. Вашата цел е да слабеете? Експертите тврдат дека е потребно да го започнете тренингот со кардио вежби (трчање, возење велосипед), а потоа да ги обликувате мускулите со вежби со тегови. Но, за претставниците на посилниот пол, чија цел е да ја зголемат мускулната маса, важи обратното – прво вежби со тегови, па потоа кардио.

• Јадете на секои 3-4 часа. Многу е важно да не правите големи паузи помеѓу оброците, затоа што на тој начин ќе го контролирате апетитот, ќе го спречите варирањето на шеќерот во крвта и ќе го избегнете прејадувањето. Бидејќи нема да чувствувате екстремен глад, нема толку често да посегнувате по нездрава брза храна. Бонус: подобро расположение и повеќе енергија. Се разбира, не треба секое хранење да ви биде голем оброк. Оптимално е да имате три главни оброци и 2-3 лесни ужини.

• Имајте ужина во 15 часот попладне. Малата ужина ќе ви помогне да останете подалеку од грицките до наредниот оброк, а исто така ќе ве засити доволно за да не претерате кога ќе дојдете до чинија полна со храна. Зошто 15 часот попладне? На повеќето луѓе тогаш им опаѓа енергијата и бараат нешто што ќе ги одржи будни и концентрирани. Најдобра ужина тогаш е протеинска храна, како 15-20 бадеми.

• Последниот оброк треба да ви биде не подоцна од 3 часа пред спиење. Се разбира, во тој период од три часа можете да си дозволите мала лесна ужина, но вечерата треба да ви биде порано за телото да има доволно време за да ја обработи храната. Доколку јадете подоцна, ќе ви биде потребно подолго време за да заспиете, а голема е веројатноста дека ќе имате и помалку квалитетен сон.

• Алкохолот доаѓа последен во денот. Ако сакате да се почестите со чаша алкохол, направете го тоа на крајот на денот, затоа што се смета дека алкохолот влијае на хормоните кои се поврзани со варењето на храната и контролирањето на апетитот.

Храна која ве држи сити подолго

Изедете кроасан или мала порција помфрит со диетален газиран сок и нема да мине долго време пред да почувствувате нескротлив глад, и покрај тоа што сте го нахраниле телото со голем број калории. Причината е едноставна – одредени јадења го стимулираат апетитот и налеваат бензин во огнот наречен глад.

Од друга страна, многубројни се намирниците кои го полнат желудникот и заситуваат долго време. Со вистинскиот избор на храна ќе внесувате помалку калории и ќе губите килограми без да се измачувате со строга диета.

1. Овесна каша

Овесната каша е одлична за енергичен почеток на денот. Бавно се вари во желудникот, давајќи му на телото енергија подолго време. Присуството на диетални влакна помага за одржување на здрав дигестивен систем, а постојат докази дека овесната каша влијае на нивото на хормоните кои го регулираат гладот.

Освен за регулирање на шеќерот во крвта, овесната каша помага за намалување на нивото на „лош“ холестерол и во превенирањето на кардиоваскуларни болести.

2. Јајца

Вклучете во појадокот две варени јајца и без проблеми ќе останете сити до ручекот. Полни со протеини, јајцата се добри сојузници во контролирањето на апетитот.

Многубројни истражувања покажуваат дека лицата кои за појадок консумираат јајца слабеат побрзо од лицата кои го започнуваат денот со бели печива.

3. Јаболка

Јаболката содржат многу вода

 и растителни влакна, кои подаруваат чувство на ситост. Одлични се за контролирање на гладот помеѓу големите оброци.

Во јаболкото има и пектин, кој го спречува драстичното покачување на шеќерот во крвта кое го активира гладот.

Хроно Диета

Основната идеја за режим на исхрана по одредено време потекнала од францускиот лекар Alain Delabosa, кој го има регистрирано својот програм во 1986 година. Овој програм претрпел бројни промени во светот, а нашиот центар работи по програм прилагоден од др. Ана Гифинг, од Белград.

Програмот на хроно исхрана овозможува без голема мака и за кратко време да се научат принципите на здрава исхрана, правилен избор на намирници и добри комбинации на различни намирници, кои можат да се применат во секоја прилика, на училиште, на работа, дома, на одмор или службен пат.

Програмот не подразбира броење на калории, мерење намирници и одредување количина на храна, не постојат одредени листи на јадење, како ни зададени рецепти. Филозофијата на програмот е во тоа секој човек да добие знаење кое ќе биде основа за понатамошно живеење на здрав живот.Трите основни принципи на кои се базира програмот хроно исхрана се:

1. Создавање на алкална средина во организмот (обезкиселување), затоа што закиселувањето предизвикува хронични воспалителни и дегенеративни заболувања (карциноми, инфаркт, шеќерна болест и сл.)
2. Правилен временски распоред на дневните оброци. Задолжителни се три главни оброци во денот (појадок, ручек, вечера) со временско растојание од 4-6 часа меѓу нив, кога не треба да се внесува никаква храна. Дозволен е внес на вода и чаеви од билки (никако овошни).
3. Глуциден индекс (ГИ). Брзината со која одредена храна го зголемува нивото на шеќерот во крвта (гликозата), односно примена на таканаречени спори шеќери, т.е. сложени јагленихидрати во исхраната.

Посебно е значаен по тоа што сите правила можат да се применат во семејството и што децата можат многу рано да се насочат кон целта да имаат долг и здрав живот.

Оние кои се заболени од најчестите современи болести на метаболизмот, во рок од 10-30 дена можат да ги намалат вредностите на холестеролот, триглицеридите и шеќерот.

Програмот има одредени правила и постојат барања кон кои мора да се придржува, а од друга страна рестрикциите се минимални и лесно се поднесуваат.

Предност на програмот на хроно исхрана е во тоа што никогаш не се јавува таканаречениот „јо-јо“ ефект (губење – враќање на тежина), а метаболните пореметувања трајно се решаваат.

Резултатите покажуваат 100% успех кај сите оние кои успеале да ги совладаат основите на физиолошки процеси.

Во рамките на нашиот центар за дијагностика ги извршуваме сите неопходни дијагностички процедури со цел да се утврди постоечката здравствена состојба, а потоа во тек на повеќемесечни консултативни прегледи и контроли го следиме постигнатиот резултат.

Со програмот нашиот тим на лекари и нутриционисти препорачува одредена комбинација на витамини, антиоксиданси, минерали и аминокиселини, исклучително според резултатите на целните дијагностички процедури, така што со овие протоколи се забрзуваат резултатите и се овозможува трајност на постигнатите ефекти.

Месечева (Лунарна) Диета

Месечевата диета е многу популарна диета затоа што дава добри резултати, а повеќето луѓе кои ја практикувале тврдат дека изгубените килограми не се враќаат. Оваа диета е всушност диета за детоксикација на организмот.

Таа се состои од 24-часовно постење, т.е. консумирање само на течности во периодот кога Месечината навлегува во нова фаза. Месечината преминува низ 4 фази: млада месечина (кога не може да се види на небото), прва четвртина (околу 6 дена по младата месечина), полна месечина (кога на небото се гледа како полн круг) и последна четвртина.

Најчесто се практикува придржување кон диетата 2 пати месечно – кога Месечината е полна и кога Месечината е млада. Но, вие можете да си изберете да ја држите само еднаш месечно. Ако се одлучите за еден ден месечно, препорачливо е тоа да биде на млада Месечина.

Некои луѓе ја практикуваат оваа диета и за време на четирите фази на Месечината, т.е. четири пати месечно по 24 часа, со цел да не си ги вратат изгубените килограми.

Месечевата диета му помага на организмот да се ослободи од натрупаните токсини и полесно да се бори против болести. Ако немате посериозни здравствени проблеми, тогаш оваа диета не може да ви наштети. Сепак, се препорачува консултација со лекар.

Детали за диетата

Месечевата диета е течна диета. Треба да ја започнете кога Месечината навлегува во определена фаза (раководете се според табелата дадена подолу) и да ја завршите 24 часа подоцна.

За време на диетата се препорачува да испиете 2-4 литри течност, а најдобро е тоа да биде вода. Дозволена е и консумацијата на чаеви без шеќер. Кога ќе почувствувате глад, направете си домашен сок од овошје или зеленчук, без дополнително да го зачинувате. Купените сокови често содржат скриени шеќери, па избегнувајте ги. Не треба да се консумира млеко, а исто така забранет е и алкохолот.

Оваа диета го прочистува организмот од токсините и од задржаните течности. За време на 24-часовниот пост може да изгубите од 1 до 3 килограми.

Ако ја држите диетата еднаш месечно, внимавајте што јадете во останатиот дел од месецот. Кога Месечината расте, консумирајте помалку храна, а кога Месечината се намалува (опаѓа), можете да си дозволите повеќе задоволство од храната.